製模型如學習 耐性定成敗
【本報訊】F1方程式賽車比賽為新加坡大型盛事，今年的賽事要在九月中旬才舉行，但同學已能率先走到賽道上奔跑，又可到控制室學習如何應付比賽中的緊急情況，令比賽得以順利進行，更可以親自製作獨一無二的賽車模型，與其他同學一戰高下。
湜渝難忘自製小型賽車過程
「好開心可以嚟F1賽車場，除咗觀眾席，普通人都冇乜機會可以入到嚟賽道！」即將升讀中五的莊湜渝坦言，難得親身踏足F1賽車場地，為此大感興奮，最難忘的更是可以製作自家小型賽車。同學在工作人員的教導下，先以沙紙磨平模型，再為車身上色，加上車輪後，便可於模擬賽道上考驗各人對模型車的操控反應，「原來最重要係架車要磨得好平，咁先會快。因為我哋初初唔係太識磨，磨得好慢，所以我覺得同讀書都好似，最緊要係有耐性，因為一急就好易磨到兩邊唔平均。」
海旋讚有趣 「有啲驚但刺激」
於應屆文憑試考獲七科5**狀元黃海旋直言親自製作賽車模型較一般講座式的教授有趣，亦從中得知模型賽車比賽亦屬國際性賽事，「比賽嗰陣有啲煙噴出嚟，雖然有啲驚但係覺得好刺激，不過我反應比較慢，次次都輸。」