西灣河：舖位霸道 地署逾年未清拆
「間舖差唔多霸咗成半條行人路，搞到行都冇碇行，落雨啲人擔埋遮就逼住行出馬路，陣間一個唔覺意就會出事！」西灣河居民李先生指太康街有店舖疑佔用官地，去年閱報時獲悉地政署將安排清拆，惟至今仍未見落實，「上年已經話會做嘢，但等到今時今日都仲係紋風不動！」
市民斥效率緩慢
地政署發言人證實，於過去兩年曾接獲三宗相關投訴，已在涉事土地張貼告示，並去信要求佔用人在限期前停止佔用政府土地及清拆構築物，限期屆滿後仍未見糾正，已啟動法律程序，以收回有關土地空置管有權及進行清拆工程。
李先生直斥地政署效率緩慢，造成問題拖延多時仍未能根治，令行人備受滋擾的情況持續，「睇番上年篇報道，今年個回覆幾乎係一模一樣，咁咪即係官樣文章，同你講我有做過嘢就算！」