袁國勇教授話自己未經政治訓練，唔識「政治」，之不過，佢又識引孫中山名言——政治乃眾人之事！其實袁教授咁鬼精叻，點會唔識政治啊！孫中山所闡釋嘅政治，當年好有新意，如今依然冇過時，政——就是眾人之事，治——就是管理，管理眾人之事就是政治。
袁國勇乃世界知名的傳染病專家，他慨嘆港大三年來每況愈下。鬼咩，一間大學搞政治多於迷學術，有乜可能唔烏煙瘴氣？更有啲「教授」不務正業，鼓吹學生佔領街頭，「大學自主，學生萬歲」——搞到有啲學生尚武好鬥，變成「造反有理」嘅紅衞兵，袁教授心灰意冷——你懂的！
講開又講，「政治」一詞源於希臘，最初含義是城堡，後來才衍生為城邦中的公民參與統治、管理、鬥爭等各種公共生活。至於「政治」一詞，學者說最早見於先秦時期，《周禮》就有「掌其政治禁令」之說。「政」主要指國家嘅權力、制度、秩序和法令；「治」則主要指管理人民和教化人民。
有人話，人類精神創造只有兩種形式：科學和詩歌。前者給我們便利，後者給我們安慰；更通俗地說，前者讓我們肚餓時有飯食，後者讓我們意識到吃飯不單只係吃飯，更是一件有情趣嘅事。是以，只有科學，沒有詩歌，原子彈便會被引爆；只有詩歌，沒有科學，詩人便會成為路上嘅凍死骨。
講到尾，世上好多嘢係互通嘅，你唔識政治，而政治日日都搵上門，根本無得避！好似科學家同詩人，看似陌生卻骨肉相連。老朽相信袁國勇教授離開港大校委會非關政治，而是對港大最深沉嘅愛，皆因愛一個人，不要戀棧他，愛港大，只要戀棧細菌，「人面不知何處去，桃花依舊笑春風」，此刻離去，是世間最動人嘅華麗轉身啊！