香港大學委任副校長風波演變成衝擊及禁錮校務委員會事件，原本係校委會委員嘅港大微生物學系講座教授袁國勇以政治進入校園為由，自覺冇政治能力處理故決定辭去校委會職務。曾任嶺南大學校董會主席嘅行政會議成員陳智思（Bernard）就話，政治因素出現喺大學並唔出奇。咁又係，Bernard做過立法會議員，又係人大代表，仲有一連串公職，本身已經係政治人物，但佢被委任進入嶺大校園，政治滲入校園梗係唔出奇喇！
