政情:中環出更:楊岳橋做逃兵 龐愛蘭反狙擊

醜聞同甩轆事件不絕的前公民黨立法會議員湯家驊早前宣布辭職,並公開力撐愛徒大律師楊岳橋,參加預計喺明年初舉行嘅立法會新界東補選。聽聞楊岳橋因為驚打輸十一月舉行嘅區議會選舉,故此突然決定棄選,寧願等泛民徵召佢直接參加立會補選。

區選無勝算 楊鮮現身火炭

楊岳橋當初選擇出戰沙田區議會火炭選區,主要係睇中建制派疑似出現內訌。盛傳經民聯成員申偉基亦有意出選該區,挑戰有「西環契女」之稱嘅現任議員龐愛蘭,令楊有望坐收漁人之利。不過,最新消息係申偉基已轉戰其他選區,喺一對一形勢下,楊好難打贏喺該區經營多年嘅龐,所以近日已甚少現身火炭選區擺街站或接觸街坊。

龐愛蘭出席一活動時回應稱,對楊岳橋擬棄選感到可惜,認為有對手先可以鞭策吓自己。一二年曾參加新東立法會選舉但落敗嘅龐愛蘭又話,仍考慮緊係咪出戰新東補選,意味她隨時會狙擊番楊岳橋,令對方「點走都走唔甩」。龐又澄清自己並非「西環契女」,否則早已做咗立會議員或全國政協委員!

卓妮

第一手消息請下載on.cc東網iPhone/iPad/Android/Windows Phone Apps