慈善基金：露宿鄭伯上樓家徒四壁愁煞

現年七十五歲的鄭伯舉目無親，回憶往昔歲月時，鄭伯指年少時生活逼人，早在十一歲便投身社會工作，曾在碼頭做小販，其後曾轉投運輸業，直言在那些年的收入足以維生，可惜年輕時誤入歧途且沉迷賭博，輸光血汗錢後生活潦倒，多年前更要露宿街頭。直至去年，在社工協助下終獲編配公屋單位，「老來先有個安樂窩，總算有瓦遮頭，希望可以平平安安過埋呢幾年！」

依靠綜援 生活困難

鄭伯直言改過自新後已努力向賭博說不，並一直自食其力，至退休後才靠綜援金維生，惟近年面對百物騰貴，鄭伯坦言生活相當困難，「依家乜都貴，去遠啲嘅街市買餸會平好多，我食都係好求其，好又一餐，唔好又一餐啦！」為節省開支，鄭伯習慣每日花逾半小時步行到較遠的北河街街市購買餸菜，實行「慳得一蚊得一蚊」。

雖然已經覓得安樂窩，但是鄭伯亦不忘舊友，不時為仍然露宿街頭的老朋友煲湯，希望他們也能夠滋補一番，「大家都係朋友，佢哋瞓街邊有湯水飲呀，我得閒會煲湯，咪請佢哋上嚟飲湯囉。」

床疑有蝨 夜難安寢

家徒四壁的鄭伯家中只擺放一張破爛睡床、一個櫃及一把電風扇，皆由義工送贈，至於二手電視機則因無法維修而報銷，囿於經濟未能更換，鄭伯坦言非常心痛，「平時好悶冇嘢做，得閒會落街散步，我最鍾意就係睇電視，聽到電視聲，感覺冇咁寂寞，依家連部電視都冇埋，就好似冇咗個朋友咁！」鄭伯近日更疑被木蝨噬咬致滿身紅瘡，每晚入睡前「要捉一輪木蝨」才能安眠，盼獲善長襄助解除蝨患。

捐款編號：12721

記者：劉卓昕