新民黨立法會議員田北辰（田二少）尋日帶埋一班市民及小朋友去咗八鄉消防訓練學校參觀，近距離了解消防員日常接受訓練及工作嘅情況，增加佢哋對消防安全嘅意識。見佢喺社交網站上載咗幾張參觀時嘅相片，其中部分係演習中的情境，田二少又喺一部翻側嘅私家車旁邊，超人上身扮嘢用力推番正部車，好似拯救傷者咁款。過去一直有傳新民黨想安排田二少明年出選立法會「超級區議會」議席，尋日佢忽然扮超人，莫非係想有咩暗示？
（互聯網）
