禁區劃線不清淪陷阱
「個牌就寫呢度係禁區，但條黃線就劃到冇雷公咁遠，咁呢度究竟係咪禁區，定係一個真空地帶？」劉先生不時行經粉嶺沙頭角公路近道楊路路口，發現有交通標誌與道路標記相距甚遠，質疑運輸設施規劃出錯，易令駕駛人士誤墜法網，「咁即係明畀個陷阱人踩，啲司機畀人抄咗咪好無辜？」
已通知部門修復
運輸署發言人證實，涉事路段為「早上七時至凌晨十二時」的不准停車限制區，早前接獲市民透過「1823熱線」查詢後曾派員實地視察，發現有約十米長的黃線道路標記遭移除或遮蓋，已隨即通知工務部門修復，有關工程亦已告完成。
劉先生反駁指該址從未見劃有黃線，質疑運輸署事前驗收草率，事後解釋亦僅為託詞，要求早日檢討。