慈善基金：王伯治眼疾 盼善長續施援

八十三歲的王伯與妻子及女兒同住於大角咀一小型單位，由於女兒年幼時曾發高燒致腦部受損，病後即被評為輕度弱智，現時三人主要靠生果金維生，「個女大部分時間都喺庇護工場返工，一年有幾日放假就返嚟屋企，都好嘅……我依家都唔可以全天候照顧佢……」王伯坦言，作為一家之主，無論對家人與自理皆大感有心無力，除眼疾外亦有「周身病痛」，長年皆受糖尿病、血壓高及腎病困擾，現時更需定時到醫院「洗血」，「個個禮拜都要去醫院換走啲污糟血，插針插到手臂條血管都粗晒。」

屋漏偏逢連夜雨 妻乳有腫塊

王伯指妻子月前亦驗出乳房有腫塊，已切割組織化驗，現時仍等待結果，直指儼如「屋漏偏逢連夜雨」。「好擔心，唔知會唔會係癌症……如果係就慘，全家都有病，我哋又冇錢醫。」雖然以往曾經營時裝店，結業後又曾到油站打工，但自六十八歲退休至今，往日積蓄已經耗盡，擔心喪失所有視力後，生活更無法自理，「以前就話睇電視，依家就淨係聽電視聲，連報紙嘅大字都睇唔到。」王伯寄望有心人能伸出援手，助以保存僅餘視力，不致陷入失明困境。

香港眼科醫院發言人證實，病人雙眼患上老年黃斑點病變，醫生建議接受雙眼玻璃體注射「愛亮眼」，每次注射費用約一萬一千元，左右眼各需三針，所需費用約為六萬六千元，並有可能在日後需再注射。發言人補充，病人倘未能接受以上治療，視力可能轉差，注射治療是希望穩定病人的視力及減低致盲風險。

捐款編號：12708

記者：呂諾君