政情：公民廣場：劉江華升呢 獲評可塑性高

原政制及內地事務局副局長劉江華調升任民政事務局局長，唔少政圈中人都認為民政開正佢嗰瓣，但就擔心喺地區及選舉資源分配上會偏重建制派。行政會議成員張志剛尋日喺電台節目話，政府係有規章及制度，過往嘅選舉都做得均真、公道同中立，所以唔係局長講就得嘅。佢又評劉江華嘅政治歷練全面，過往做過好多地區工作，又曾經參與選舉，可塑性高，期望劉能夠應付新職位工作。