政情：玩累計期權 容永祺唔驚被Kill
○八年曾令唔少港人蝕到血本無歸嘅Accumulator（累計股票期權），近年再度活躍。不過，散戶始終唔多敢再投資，但專業及資深行政人員協會創會會長容永祺（Samuel）就人棄我取，去年開始投資Accumulator，至今帳面獲利不少。佢話，投資前做足功課，就唔使驚會被Kill later啦！
入市前做足研究
因為睇好某隻藍籌股，Samuel去年開始借助Accumulator，以折讓價約百分之十至十五巴仙，購入心水股票。買股有折購，聽落好似好筍，但佢強調，遇上市況逆轉，玩Accumulator風險不少。所以佢入市前做足研究，一旦接貨，都有足夠資金持貨。若然散戶自問對Accumulator唔多熟識，都係唔玩好過玩喇。
前排港股如坐過山車，Samuel話，慶幸手上股票仍然有賺，因啲貨喺金融海嘯後低價購入。所以佢奉勸大家，炒股千祈咪亂聽冧巴入市，遇啱時機買入優質股，不如長揸一段時間，賺盡升浪好過。