【本報訊】鉛水風波愈驗愈驚人，家中自來水隨時含鉛變「懵仔水」，智力測驗中有發展遲緩徵狀的三名小童就來自最先揭發食水含鉛的啟晴邨，居民本已心慌慌，現時更「驚到震」。有囝囝預約下月初驗血的住戶形容驗血前將「有排驚」，會盡量不讓小朋友接觸水喉水。雖然啟晴邨總承建商願意免費為住戶安裝濾水器，但邨民質疑作用：「個濾水器係咪真係隔到鉛，隔唔到又要拆。」除涉事屋邨外，小童發展遲緩消息亦嚇煞全港家長：「如果通行（水喉匠）都係用嗰款物料整水喉，我唔信啲私樓無問題。」
昨日傍晚啟晴邨範圍不少居民都在交頭接耳，討論邨內小童有發展遲緩徵狀的新聞，更無奈是除了等待房署換喉及驗血結果，根本無自救方法。家住樂晴樓的洪小姐有一個七歲兒子，兒子安排下月九日到醫院驗血後，本已放心了少許，但昨又傳來有小童發展遲緩徵狀消息，叫她重新擔心起來：「囝囝驗血有結果前，都有排擔心。」
雖然有網民相信即使小童有發展遲緩徵狀亦未必與食水含鉛有關，但替涉事邨民心慌之餘，也覺得住私樓市民更加無助：「政府樓就話搵政府，私樓點算？」亦有網民指無論是否與鉛水有關，政府今次也難逃被狠批。