市民購買五花腩發現腩肉有粒乳頭狀凸起物，擔心食用後影響健康而向食環署求助，未料職員竟「唔識處理」！「我成日都買五花腩，都未試過買到一舊係咁嘅樣，我上網睇資料，話懷孕緊嘅母豬肉會釋放一啲物質，可能對人體有害，搞到我唔敢煮！」伍小姐前日下午（七月二十三日）在屯門新墟街市一個肉檔以五十多元購入一塊五花腩，歸家後發現豬肉表面毛孔異常粗大、豬肉表面近切口處更有一粒乳頭狀凸起物，擔心食用後或有害健康，隨即致電食物環境衞生署投訴，未料反覆致電仍未獲跟進。
伍指食環署接獲查詢後，接聽者卻一時稱「幫你查下」，一時又指「要轉介去相關部門」，最終卻未有再跟進，「結果隔咗成日都冇人覆，更加冇拎走舊豬肉去驗，如果係冇問題嘅，咁佢哋都覆一句等我放心，到依家覆都唔覆句，真係食不安心！」伍要求當局盡快回覆及跟進，為食物安全把關。
食環署發言人回應查詢時表示，當局一直重視市民投訴，該署職員昨日已聯絡投訴人了解事件並作跟進。