露宿者居門外 通州街市冷清

通州街臨時街市建於九十年代初期,以安置舊深水埗街市檔戶及路邊濕貨小販。惟自附近北河街街市落成,通州街臨時街市的生意即一落千丈,再加上附近有露宿者流連,令顧客卻步,至今已十檔九空,留守的檔戶坦言要「蝕錢」開檔。區議員要求食環署盡快落實改善街市環境措施,並解決露宿者問題,以增加人流量,為檔戶提供合理經營條件。

葉女士於通州街臨時街市經營菜檔已逾二十年,發現生意愈來愈難做,「今朝九點、十點先做到七至八個客,之後就坐到依家,如果唔係為咗搵啲世藝,都唔會做啦,啲生意同以前根本冇得比!」對比當年街市初開的鼎盛情況,葉只能以十檔九空形容現時的街市情況,坦言「個個月都蝕錢」,不滿食環署未有落力改善街市經營環境。

「行都冇得行 邊會嚟買餸」

「以前冇咁多露宿者都仲有啲生意做吓,依家就連行都冇路行,仲邊會嚟呢度買餸!」年逾八旬的坤伯則說,通州街臨時街市位於橋底,近年橋底卻有大批露宿者進駐,當中不乏癮君子,令市民前往街市的意欲大減,直接影響商戶生意,如非得兒女給予零用錢,三餐溫飽亦成問題。

深水埗區議會地區設施委員會增選委員香明孝指出,通州街臨時街市附近有南昌邨及富昌邨,本身不乏客源,惟礙於露宿者聚居與街市檔戶選擇少等問題,皆大大減低市民前往購物的意欲,「就咁用眼睇都睇到個街市有九成空置,好多街坊都話天橋底好多露宿者,因為驚咗佢哋而唔敢過嚟買餸,食環署應該針對呢兩個問題去處理!」香明孝要求當局增加街市舖位出租率,同時一併處理露宿者聚居問題,希望可以改善經營環境。

調低競投價 出租空置攤檔

食物環境衞生署發言人指出,臨時街市設有三百五十九個檔位,當中有一百七十七個空置,出租率約五成。發言人續稱,由於人口變化、新發展、重建計劃及其他新鮮糧食店的競爭,令街市吸引力下降、人流減少,導致空置率偏高,強調部門會恒常舉辦推廣活動,以增加公眾街市人流。該署亦會調低競投底價以出租長期空置攤檔,並會視乎情況改善街市設施。

至於深水埗區內露宿者問題,社署發言人則稱,一直有聯同相關的非政府機構跟進露宿者情況,鼓勵並支援露宿者解決露宿問題,包括申請公屋、租住單位、入住臨時收容中心等,當中有成功個案已展開新生活。

記者:黃芷君、詹海萍

第一手消息請下載on.cc東網iPhone/iPad/Android/Windows Phone Apps