政情：今日你上鏡：李文俊快閃書展分享會

百仁基金主席李文俊（Raymond）（右）尋日出席書展「雪文解字100分」活動分享會，與本地著名作家深雪（左）討論閱讀心得。不過，身為大忙人嘅Raymond，上晝七點幾仲身在北京，剛落機就立即趕過會展，但活動完結後，佢又要即刻去接埋太太及家人一齊過澳門玩，行程排到滿一滿。不過幾忙都好，佢話每日都習慣預留半小時睇書，皆因讀書先係真正屬於自己嘅私人時間喎，又笑言直接睇每周最暢銷書，可以慳返啲時間唔使揀。