民主黨（白鴿黨）前立法會議員黃成智，早前因力撐政改方案「袋住先」，而被黨中委及紀委會公審，前晚中委會就以十七票對七票通過革除黃成智嘅黨籍，事件可以話係告一段落，佢亦話唔後悔發表有關政改嘅言論。不過，黃成智似乎仲係有啲不忿，尋日接受完電台訪問後，再次話對革除黨籍嘅決定難以置信，仲大鬧白鴿黨嘅決定唔理性，質疑背後有目的。走緊都要繼續鬧，唔通真係「你不仁、我不義」？
