探射燈：人有我有 鬥多鬥嘥

錯估數量「拎咗先算」

「試過回收到完整一箱新口味嘅嘢飲，可能唔啱學生口味，佢哋就全部都唔要。」地球之友項目主任鄧綺文表示，近年大學迎新營浪費贊助品一事極為普遍，多是因學系及學會舉辦迎新營時，估算贊助品的數目不準確，導致大量浪費。該機構去年舉辦「Green！O Camp」活動，回收迎新營過後剩餘的贊助品，「我哋收咗八百幾件（贊助品），通常都係洗頭水、沐浴露、食物，我哋會全部捐去慈善機構。」

另外，自然脈絡總幹事黃皓光表示，六年前開始已注意到大學迎新營浪費贊助品一事，「佢哋有理冇理都向贊助商拎多啲贊助，有時拎一百件派得八十件。」黃指大學生於籌辦迎新營時的心態是要取勝於上莊，最重要是「人有我有」，最終剩餘的贊助品多得要積存於各學會房中，學期完結時才交由環保團體收集。