政情：今日你上鏡：「迷你」田二少

新民黨立法會議員田北辰（田二少）尋日喺社交網站上載多張相片，見佢同黨內一批實習同學化身迷你兵團，齊齊戴上代表迷你兵團角色嘅面具合照。田二少話，合照當日係上周五立法會財務委員會第三節會議，亦係一批同學仔喺立法會實習嘅最後一日，有實習同學親手畫咗張迷你兵團送畀佢，其後一批同事順勢要佢扮迷你兵團一齊影相，佢話當時即刻順應民意，又笑言如果開拍真人版，自己有冇潛質去試鏡呢？不過，田二少若要做兵團一分子，就要頻頻食蕉喎，食唔食得落呀？