政情：「高達」預告衝擊泛民選舉活動

愛港之聲舉行新一屆就職典禮，連任主席嘅高達斌話，部分泛民唔單止否決政改方案，就連政府推行惠民措施都出手阻撓，批評佢哋喺議會根本係多餘，未來兩場選舉要泛民「票債票償」，趕走「禍港議員」，佢事先張揚衝擊佢哋嘅選舉活動係基本動作，但不願透露行動細節，揚言要出「奇謀」，怕講咗泛民就會有準備。佢其後更話，市民對泛民做過嘅事心中有數，「到時我哋唔做都會有人做」。