探射燈：頌安邨頌群樓捱銹水七年
【本報訊】公屋食水問題一浪接一浪，繼啟晴邨爆出食水含鉛風波後，馬鞍山頌安邨頌群樓住戶亦紛紛投訴食水含大量鐵銹，顏色灰黃如「涼茶」，至少四十多戶頂層住戶深受「銹水」困擾，但大廈今年竟可獲得水務署的優質供水證書，居民認為十分諷刺，直指「廁所水仲乾淨過佢」。
多次向當局反映無改善
頌群樓頂層三十六樓住戶黃生黃太指，○八年起發現水喉食水黃黃黑黑，並夾雜大量鐵銹沉澱，「好似夏枯草咁色，沖涼都一身黃色，有時有一粒粒黑色鐵銹，唔敢用啲水煮飯，惟有出街食。」他們多次向房屋署反映，署方更換單位內的水喉後，水質仍未有太大改善。另外，三十六樓住戶徐伯及劉婆婆亦受「銹水」困擾，徐伯更自行購買濾水器過濾食水，「尋日先洗完濾芯，今日就黃晒。」
協助住戶的立法會議員葛珮帆昨與房署代表到頌群樓視察，房署物業經理卓先生表示，調查後發現鐵銹來自該廈頂層的加壓泵及加壓水缸，估計需使用相關設備的最頂兩層（三十五及三十六樓）共四十二戶住戶均受「銹水」影響。
仍獲發優質供水證書
他已安排於三個月內更換該廈所有加壓泵及加壓水缸，日前亦向部分住戶派發樽裝水，下周一會先為住戶加裝臨時喉管，將食水由大水缸引入單位，並全面檢查該邨所有大廈有否同類問題。至於為何該廈仍能獲發優質供水證書，卓指相關驗證主要涉及大廈大水缸內的水質，未有包括加壓泵或單位內的食水。另外，十多名民協成員昨到何文田房署總部請願，指全港十多個屋邨懷疑採用不合格的水龍頭，或釋出重金屬損害居民健康，促當局詳細調查。