人民力量提早喺尋日立法會財務委員會「拉布」，阻撓審議創新及科技局（創科局）撥款。有資訊科技界背景、民建聯議員葛珮帆尋日就公布科技界聯署，批評代表業界嘅泛民議員莫乃光（Charles）唔支持加開會議審議表示不滿同憤怒，仲叫佢認真反省添！雖然Charles重申支持成立創科局，但佢作為泛民都叫唔郁啲激進泛民議員停止「拉布」，而且泛民角色模糊，又被業界批評佢嘅立場政治化，真係兩面不是人。如果業界支持成立創科局，作為業界代表係咪應該撐到底呢？
