政情：有相為證：唔使等 陳家珮全速造人
港鐵南港島線因為利東站同金鐘總站遇到地質問題而延期落成，但其他車站進度唔錯，南區區議會日前更獲港鐵邀請率先參觀海洋公園站添！有份參觀嘅南區區議員陳家珮（Judy）不滿南港島線「歎慢板」，冇畀已經落成嘅車站率先通車。但談到婚後造人大計，Judy笑言唔使等埋區議會選舉，已經「開快車」全速努力中！
質疑海洋公園站泊位用途
不過，南港島線同生B一樣唔係話有就有，Judy視察完海洋公園站，除咗遲遲未通車，仲發覺站內提供七十一個泊車位畀乘客泊車轉乘，質疑實際用途係開放畀海洋公園遊客，定係畀駕車乘客轉車呢？港鐵方面都未有答案。