政情：有相為禮：三代房署高層分享房策

三代房屋署高層同場合照，可遇不可求！新民黨主席葉劉淑儀於社交網站上載圖片，顯示現任房屋署署長應耀康、兩名房屋署前副署長譚榮邦同鍾麗幗三人出席分享會講房屋政策。眾所周知，譚榮邦同鍾麗幗「前後腳」加入新民黨，令人關注應耀康日後會否跟從佢哋嘅路徑加入新民黨。葉太話同應耀康識咗三十年，以前喺貿易署有交往，大家都好熟，不過唔會吼住要對方入黨。