黃大仙：車泊行人路 途人走馬路
何伯早前向本報反映，指黃大仙雙鳳街街市外、近飛鳳街不時有車輛違泊，甚至泊上行人路，令途人過路需走出馬路。「啲車泊到上行人路先離晒譜，畀佢逼咗落馬路度行，老人家又行得慢避唔切啲車，好鬼死危險！」何伯認為違泊情況嚴重，更為途人帶來危險，不滿警方未有措拖改善情況。
警方年發逾五百告票
警方發言人稱，接獲轉介後已即時派員到飛鳳街調查，發現有違泊車輛及於當時發出十七張定額罰款告票。過去一年，警方共接獲二百一十宗上址違泊投訴，期間亦發出超過五百多張的違例泊車定額罰款告票。發言人又表示，一直關注區內的違泊問題，更會繼續密切監察上述道路和適時執法。
「又係抄牌呢招，如果呢招係得就唔會一年派五百幾張牛肉乾但個問題都唔見有改善啦！」何伯認為現時罰款額未見有阻嚇成效，警方應盡快檢討，以改善區內違泊情況，減低途人使用道路的危險。