政情：公民講場：「遊行人數較預期多」死撐廷不了

佔領行動結束，以及政改方案被泛民主派否決後，民陣尋日舉行首個七一遊行，但參加人數只得幾萬人，是近年最少人嘅一次，可能同無乜遊行議題有關。不過，佔領中環發起人之一嘅戴耀廷就話，今年遊行人數已比佢預期多。咁講法，莫非佢早已估計無乜人參加？佢話市民現時希望有空間去想想未來爭取民主嘅方向喎。咁又係，政改方案否決之後，無論泛民或建制嘅民望都大插水，其中泛民評分跌得最勁，話唔定年底區議會選舉及明年立法會選舉，市民要泛民就否決政改方案票債票償都未定。