騙徒WhatsApp誘搵快錢套私隱

「有無興趣搵快錢？」近日不少學生都經WhatsApp收到搵錢短訊，指輕易可以「搵快錢」，「有三種，第一係去指定財務公司借錢，之後我哋會有人將你條數轉做壞帳；第二種都係借錢，我哋會幫你還半年，之後會搵律師同你搞破產；第三種你只要提供信用卡資料，卡號、日期同保安編碼就得。」至於三者報酬則頗有差異，對方聲稱借錢可獲得數萬元至數十萬元不等，而出售信用卡資料，每張僅可賺取五百元。

收四成佣金「將條數轉壞帳」

記者日前自稱學生，與該名人士聯絡，對方表示：「只要你畀身份證副本、銀行存摺第一頁同埋地址證明畀我，我哋就會拎啲資料去同財仔申請借錢。」他指其公司與本港不同財務公司有聯繫，借錢後可將借款轉成壞帳。「借到錢後，我哋會收四成做佣金，借十萬，我哋收四萬蚊，畀六萬你。你借嗰啲錢唔使還，我哋有辦法將條數轉做壞帳。」對方更拍心口說，借錢後絕對不會有人追數，更保證沒有「手尾跟」。

由於整個交易過程雙方毋須現身，全程電話傾談，資料亦可透過電郵提交，雖然對方指足不出戶即可穩袋數萬元，同樣亦保證自己不用拋頭露面，參加者無保障可言。一名熟悉財務公司運作人士直言，憑其運作方式，肯定是騙徒所為。

受聘參與詐騙 最高可監14年

他指，財務公司對客戶的借貸紀錄有嚴格監控，就算有「內鬼」，要將借款改作壞帳，根本不可能。至於向財務公司借錢後再申請破產，雖然可解決欠債及民事責任，但期間若有人使用虛假文件，隨時涉及以欺詐手段獲得金錢罪。至於出售信用卡號碼及保安編碼同樣危險，「有資料就可以喺網上購物，隨時碌你十萬八萬，銀行最後可能會向你追收欠款。」

警方發言人表示，求職者對聲稱賺快錢途徑、不需技能但報酬異常優厚的職位，應加倍小心，而受聘參與涉及詐騙行為工作，求職者可能觸犯欺詐罪，一經定罪可監禁十四年。