深水埗：賞樹徑樹木安排欠佳
「每次打風落雨就圍起成條通道，啲樹又瘦掹掹咁，一啲都唔靚，仲好意思叫呢度做賞樹徑！」居民張先生指深水埗麗安邨與麗閣邨之間設有賞樹徑，但懷疑樹木健康出現問題，以致每逢天雨樹木即被圍封，除未能發揮美化功能，更阻礙街坊出入。
房署承認樹木枯壞
房屋署發言人證實，過去一年曾接獲四宗有關麗安邨樹木的查詢，亦承認早前曾發現賞樹徑兩棵樹木有枯壞，遂按署方管理指引先圍封有關樹木，再聯絡樹木管理小組和承辦商跟進。發言人補充，有關樹木現已移除，圍封範圍亦已解封。
香港社會網絡總幹事陳穎欣認為房署護理不善，令樹木健康受損，「賞樹徑嘅樹木應該有欣賞價值，但係啲樹有問題時房署淨係圍住佢，長期都唔處理。」陳穎欣要求房署改善管理工作，在意外發生前防患未然，打造理想的綠化社區。