續牌指引亂 折騰85歲狗主

現年八十五歲的馮伯早前接獲漁護署來信，被要求為其飼養的唐狗「豬豬」打針續牌。行動不便的馮伯遂委託孫兒帶同「豬豬」到沙田多石徑動物管理中心辦理手續。由於信件並未有說明續牌程序，馮事前已特地致電職員了解，「佢寄嚟封信乜都冇寫，淨係畀咗啲中心地址我，我打過電話去問，『我八十幾歲帶唔到隻狗去咁點呀？』個職員當時淨係叫我搵啲後生幫手帶去，咁我咪照做，點知就出事！」

馮伯指事發當日將「豬豬」交予孫兒後便到旺角覆診，期間接獲孫兒來電，指職員拒絕為狗隻續牌，「個孫打嚟話『阿爺，個職員要你個身份證或者影印本喎！』嗰時我喺旺角睇緊醫生，點拎到畀佢呀？佢哋又講明要，自己個孫都帶晒狗牌同以前打針紀錄去啦，車到去佢哋中心門口都續唔到牌，有冇搞錯！」馮伯不滿漁護署指示不清，令「豬豬」未能如期續牌，要求當局交代。

馮伯不滿漁護署來信未有清晰指示，令「豬豬」最終未能續牌，要求當局交代。

漁護署轄下的動物管理中心位置偏遠，年邁狗主未能親自到場辦理續牌事宜。（資料圖片）

議員促檢討 免無辜違例

「政府要狗主守規則，但指示又唔清晰，有時唔係寵物主人唔想履行責任，而係唔知應該點做，同埋有咩手續。」立法會議員麥美娟認為，漁護署未有為狗隻管理及續牌訂定清晰指引，不但造成混亂，更令市民甚至狗主無所適從，要求漁護署檢討現有政策，向市民及職員提供清晰指引的同時並加強宣傳和教育工作，免令狗主在不知情下違例。

漁護署發言人證實，日前有市民曾到該署動物管理中心要求辦理狗隻續牌手續，惟因未能出示授權書而未獲處理，為免誤會，該署將在通知書上更清晰說明辦理續牌手續要求。

受託人需攜授權書狗牌

發言人又稱，根據《狂犬病規例》，所有超過五個月大的狗隻於領牌後，每隔不超過三年須再接種狂犬病疫苗及續牌一次，違者最高可被判處罰款一萬元。該署一般會在狗牌到期前發出通知書，提醒狗主帶同狗隻辦理續牌及接種狂犬病疫苗；如狗主委託他人代為辦理，受託人需出示狗牌正本及狗主授權書。

記者：呂諾君、蘇敏婷