高鐵超支分分鐘成三百億，有立法會議員踢爆，原來當年港鐵內部一早估計，成個工程要八百億，但當時「貪曾」前特首曾蔭權爵士領導下嘅港府懶聰明，竟然還價壓價到六百五十億元。其實高鐵唔係玩具車，工程要幾多錢唔係亂計，邊有得叫人減啲就減啲，仲要減成百幾億，種下今日超支嘅禍根！就算真係計過唔使咁多錢，咁政府都應該睇實港鐵快手搞掂啦，時至今日，愈拖愈貴，歸根究柢，都係「貪曾」咁大個工程都玩玩吓，冇認真監管，搞到今日就半爛尾嘅局面，真係遺禍不淺呀！
