反駁歐委會避稅港指控
陳家強回憶當年喺美國教書時，每年收到厚疊疊嘅報稅表時，都不禁皺起眉頭，因為美國稅種繁多，除咗入息稅外，仲有利息稅、股息稅、資產增值稅等，為咗申報免稅額，佢亦要儲低一年以來嘅各種單據，每次都要用最少兩日處理啲資料。
點解佢突然講咁多稅務嘢？皆因歐洲委員會最近將香港列為全球三十個「不合作稅務管轄區」之一，其實係有人將香港簡單低稅制，誤將天堂（Heaven）當成避稅港（Haven）。佢直指名單製作過程粗疏，指控毫無根據，並有違國際間就稅務透明評估制訂嘅程序，所以已經向委員會表達不滿喎。