探射燈：食住要求高 家居難飼養
養飛鼠雖然夠另類，但獸醫並不鼓勵港人在家飼養，因飛鼠對食物及居住環境都較一般寵物要求高，生病時亦不是所有獸醫都懂得治療，故此飼養難度高。
「個籠起碼要三至四呎高」
「佢哋對食物要求好高，野生嘅要食新鮮腰果。」獸醫黎昌生指，飛鼠食得刁鑽，要求新鮮腰果及蟲食，在港根本不可能提供，故建議主人以食蟲動物的現成糧食代替，亦因牠們容易患骨質疏鬆，要定時在食物中加入維他命D及鈣粉補充，故此飼養前必須做足功課，做個負責任主人。
黎亦指，由於飛鼠懂飛，主人必須提供足夠居住空間，「個籠起碼要三至四呎高，而且要間唔中放佢出嚟散步。」他指，若主人由飛鼠出生開始照料，牠會比較「黐身」，「會當主人係樹咁黐住你！」