政情：八網難逃：等埋發叔被惡搞變成語

建制派日前於政改方案表決時因為離場「等埋發叔」而「甩轆」，成為網民茶餘飯後嘲笑話題，更被改圖改歌，又建立社交網站專頁及潮語卡。點知日前就連經典電視兒童節目《成語動畫廊》都被改編放上網，片中「熊貓博士」向「YY」講解「等埋發叔」嘅故事。片中講述香城議事堂內一班官員表決一個好重要議案，又套用一班立法會議員嘅對話內容，歌頌班建制派議員「等埋發叔」嘅敬老之心，有網民睇完之後都忍唔住留言話笑到噴飯。