政情：公民講場：張良哀否決 人人做輸家

泛民主派如願以償否決政改方案，但往後嘅政制發展點行，無人有水晶球預視得到，但肯定嘅係人大「八•三一」決定不會改變，政制原地踏步。曾為民主黨副主席嘅運輸及房屋局局長張炳良尋日就話，政改方案被否決，香港各方都係輸家。佢解釋，目前社會分化撕裂，對未來充滿迷茫情緒，都為香港嘅前路埋下挑戰，覺得社會需要時間冷靜同反思喎。