長沙灣：街頭晾曬嚴重 路署：無發現
非法晾曬無處不在。梁先生發現，長沙灣幸福邨對出的幸祥街行人路欄杆常有人非法晾曬衣物，不但有礙觀瞻，更有危害交通安全之虞，「啲人霸晒成條街嚟晾衫，其實條街咁多塵都擺出嚟曬，曬完啲衫咪仲污糟，一陣有風吹出馬路咁啱又冚住架車，都唔知會唔會搞到有交通意外。」
派員視察只張貼告示
路政署發言人指，曾派員實地視察，惟當天並無發現該處行人路欄杆有晾曬衣物，當局已於相關位置張貼告示，提醒市民不可於欄杆晾曬衣物。發言人又指，進行道路保養及巡查時如發現有晾曬衣物，會作清理並暫存於容器，在一段時間後如無人認領會移走。
「早排日日都落雨，畀我都唔擺啲衫出嚟啦，（路政署）去得嗰一次（視察）就話無發現，即係話我講大話？」梁先生要求路政署繼續跟進事件，以免因晾曬問題導致交通意外。