社民連立法會議員梁國雄（長毛）前日言之鑿鑿話有人開價一億元，換取佢支持政改，點知尋日畀行政會議成員張志剛「大一大」，就即刻好似食咗誠實豆沙包咁，澄清只係有人話佢支持政改可以得到「兩世無憂」嘅錢，至於開價一億元其實只不過係佢自己個人老作囉。不過，就算件事真係好似長毛所講有一部分係真，只有金額係假，相信都唔會再有人信佢，事關佢經過今次已經誠信破產。雖然成功吸引傳媒報道，但係就失去咗市民對佢嘅信任，長毛今次都真係因小失大喇！
