高永文評分急跌
事關香港研究協會本月初最新民調顯示，以一至五分為標準，大部分問責官員嘅評分均錄得下跌，其中吳嘅評分係少數逆市上升，微升零點零一分至二點一七分，分析指相信同早前免費幼稚園教育委員會最新建議出爐有關，惟吳於十二名問責局長排名中僅第十一位。
至於評分跌得最多嘅係食物及衞生局局長高永文，急跌零點一九分至三點三八分，預料同最近南韓新沙士疫情告急，擔心香港亦會陷入風險，以及早前落區宣傳政改方案時，同市民爭辯時一度拋下一句「講完」等有關。
值得一提嘅係，政改方案雖然好大機會被否決，但政改三人組嘅評分未見大跌，其中兩人嘅評分維持不變，另有成員更微升零點零一分，認真估佢哋唔到。