上水：泥頭棄馬路 環署「睇唔到」
「啲泥成日飛晒出嚟，吸咗都唔知會唔會有事！」李先生早前途經上水馬會道近符興街巴士站，發現有大量泥頭放置在馬路旁，更不時有人在附近樓宇搬出泥頭在該處傾倒。李指泥頭並非放置在環保斗內，亦無帆布遮蓋，每當有人傾倒泥頭時都會塵土飛揚，「喺街收集泥頭應該要放喺有蓋環保斗，有乜理由就咁堆喺街？」
市民促加強巡查
環保署發言人表示，接獲轉介後已派員到上水馬會道附近視察，並無發現有搬運泥頭工程及違反有關環境條例情況，過去該署亦沒有接獲該地點的相關投訴。
李先生坦言不滿環保署的回應，認為當局未能打擊違法情況，「環保署成日都話捉唔到人，唔怪得啲人肆無忌憚咁喺街堆泥啦！」李要求環保署應加派人員巡查，打擊違法堆泥情況。