政改已進入最後階段，但泛民主派立法會議員到呢一刻仍堅決反對政改方案。來自建制派嘅保險界議員陳健波尋日出席電台節目時批評，否決政改方案係泛民最容易嘅決定，亦可以發洩對中央嘅不滿，但就封殺咗民主之路囉！不過，泛民嘅資訊科技界議員莫乃光就死撐話，否決政改並非最容易嘅決定喎。其實泛民一直都唔認同人大「八三一」決定下嘅政改方案，淨係一味重申反對立場，連優化方案都冇建議過，咁個掣否決政改方案又有幾難呢？
