香港總商會（總商會）近年經常免費請市民搭電車同坐渡輪慶祝創會周年，不過總商會總裁袁莎妮（Shirley）就好少搭船，事關佢會暈船浪。咪以為咁就代表佢怕水，Shirley自爆好喜歡潛水，已有數年潛水經驗，亦考咗牌，潛水時試過見到魔鬼魚及鯊魚。吓？咁咪好危險？Shirley就好淡定話，只要唔犯啲海洋生物，佢哋就好少會襲擊人類，原來Shirley係咁大膽嘅！
