工時長令打工仔休息時間減少，而立法會議員陳志全（慢必）就話，長工時影響香港人嘅性生活。立法會尋日討論立法制定標準工時動議，慢必突然對性生活話題好有興趣，三番四次提及。佢又揶揄特首梁振英（CY）早前將本港安老院舍問題歸咎於土地不足，話如果同CY提及港人性生活問題，CY一定又會賴係土地問題咁話。慢必仲愈講愈遠，聲言若佢選特首嘅話，就會將提升市民性生活質素寫入政綱喎。如果真有呢一日，又有幾多人會因呢項政綱而支持慢必呢？
