上水：無牌小販佔港鐵站出口
「佢哋日日放兩張枱、兩塊板就開檔，當正條街係自己嘅舖頭咁！」李先生居住上水多年，不滿港鐵上水站C出口外常有無牌小販販賣電話卡，食環署多年來亦未有取締。李指小販不但佔用通道，亦會令附近出售電話卡的商戶蒙受損失，「佢哋擺咗咁多年又唔使交租，正當交租嘅商戶點同佢哋爭！」
食署年接15宗相關投訴
食環署表示，部門一向關注該處一帶無牌小販擺賣及阻街情況，並不時派員巡查及採取執法行動。接獲轉介後已派員巡查並檢控有關違例人士。過去十二個月，該署曾接獲十五宗相關投訴，同期提出三十三宗相關檢控。當局會繼續留意上址情況及採取適當行動。
當區區議員王潤強指上址繁忙時間人流甚多，要求食環署加強執法，「呢度係港鐵站出入口，返工放工時間就好多人行，如果啲人聚集喺度，咁就好似塞住條路。」王又指食環署除票控外，亦可檢走阻路物品，以收阻嚇作用。