官涌：市政大廈更衣室花灑水長流
陳先生經常到官涌市政大廈體育館做運動，發現更衣室內不時有市民使用花灑後未有關上，以致「水長流」，「啲花灑長期開住，啲職員又成日坐喺度唔郁，由得啲水係咁流，點解康文署唔換啲自動停水嘅花灑？」陳不滿駐場地職員未有緊守崗位，定期巡視更衣室，並要求更換自動停水設施，以免平白浪費珍貴食水資源。
已逐步換自動停水系統
康樂及文化事務署發言人指出，已再三提醒場地職員須巡查場館沖身設施，加倍留意花灑龍頭是否已關妥、排水渠有否淤塞等情況，並加設告示提醒市民節約用水。發言人強調，現正逐步計劃將現有花灑龍頭更換為自動停止龍頭，以節約用水。
「早就應該要換啦，依家好多康文署運動場都係自動停水，唯獨官涌呢個仲咁落後！」陳先生希望當局全面取締舊式花灑龍頭，以節約用水。