政情：有相為證：朱古力廣告 抽盡政界水

廣告創作日新月異，要成功吸引市民眼球，真係要花啲心思。好似近日就有個朱古力廣告抽盡藝人及政界名人水，將佢哋嘅經典犯錯金句變成「肚餓語錄」做宣傳，簡單一兩句說話已相當突出。被抽水嘅政界名人包括立法會議員鍾樹根批評港鐵前行政總裁韋達誠失職：「你知唔知羞恥點寫呀？Same！Same on you！」又有樹根黨友陳克勤喺○八年當選立法會議員時嘅感言「Try My Breast（Best）！」仲有唐英年一二年參選特首時講過嘅「捍衞核心價值，係最核心嘅核心價值！」唔知遲啲又有咩新作呢？