日前被馬來西亞拒絕入境嘅學民思潮召集人黃之鋒「禍不單行」，尋日佢喺社交網站自爆去香港大學（港大）做訪問時，突然有一名中年女士斥責佢「你係香港大學嘅恥辱」。但其實黃之鋒就讀嘅係香港公開大學（公大）而非港大，兩者在全球大學排名有一定距離。黃之鋒之後就喺社交網站「葡萄」地稱「其實……我都想係香港大學嘅恥辱……」。
黃之鋒喺去年嘅文憑試僅考得十九分，坦言成績未如理想，起初僅獲城大專上學院取錄修讀副學士課程，其後先入到公大，所以港大對於佢嚟講實在高不可攀，難怪做「港大之恥」都肯制喇。
（互聯網）
