大埔：回收籠亂擺 阻途人出入
「我就住附近，日日行過都見到個回收籠。佢哋成日搞到個地方好污糟，廢鐵廢罐亂咁擺，連花叢都有垃圾，呢排落雨就仲污糟，啲雜物又多，又有鐵籠，阻住晒我哋出入。」周先生指出，大埔頌雅路近頌雅苑有回收檔於行人路上擺放雜物，影響環境衞生及阻塞通道。
投訴後更嚴重 促食署跟進
食環署發言人證實，過去一年曾接獲三宗相關投訴，職員巡查上址時，發現行人路上有鐵籠及小量雜物。發言人指，已向有關物主發出口頭警告，不可放置雜物妨礙清掃，而經警告後有關物主已即時移走以上物品。
周先生要求食環署繼續跟進事件，改善該處環境衞生問題。「我早幾日行過，個情況都仲係一模一樣，根本就冇人清走過啲嘢，依家甚至仲嚴重過之前，連對面路都霸埋，真係好離譜。」