嚟緊周日將係全體立法會議員獲邀上深圳，同港澳辦主任王光亞見面嘅大日子，不過唔少人都睇淡，事關泛民唔似識轉身，只會愈走愈激。港澳研究會副會長劉兆佳（佳叔）就話，如果泛民繼續走入死胡同，只會被邊緣化，反建議佢哋轉做體制內嘅改革派，點都好過擔當體制外嘅反對派喎！佳叔由大學學者轉做政府智囊，再升呢做全國政協，親自演繹點樣由體制外變體制內，依家佢點條路畀泛民行，唔知泛民明唔明呢？
