政情：有相為證：助理娶準助理 陳學鋒「家有喜事」

緣分嘅嘢，真係好奇妙。中西區區議會副主席陳學鋒尋日喺社交網站上載一張靚相，留言話佢出席第一個助理及未來助理嘅婚禮。陳學鋒同我哋解釋話，佢於十一年前就認識新郎哥，新郎哥當時做佢嘅第一個助理，而新娘就係佢未來助理，笑言自己係半個主人家喎！唔通陳學鋒係促成呢段姻緣嘅紅娘？佢笑稱唔係，一對新人喺外面相識嘅。無論點都好，呢段佳話印證咗世界真細小嘞！