無論支持或反對政改方案嘅兩大陣營，過去一段時間都用盡比喻企圖說服對方，尋日又有新比喻。立法會尋日舉行第二場政改公聽會，出席嘅中華廠商聯合會常務會董楊華勇就以父母容許子女出街來比喻中央給予香港普選。佢話負責任嘅家長都唔會容許子女「玩夠」先至返屋企，要知道子女喺出面識啲咩人，出到街規規矩矩，按父母要求準時返屋企，建立到信心才能得到「父母」信任。佢咁講法，係咪暗批作為「子女」嘅泛民主派無規無矩呢？
