旺角：燈位前違泊 登打士街現險象
「嗰度得兩條線，但係啲貨車泊正喺紅綠燈位，司機位又冇人，就算綠燈都唔會開走，得番一條線行車，搞到成日都好塞車！」呂先生指旺角登打士街近家樂坊常有車輛違泊，由於上址屬購物熱點之一，平日有大量市民及旅客行經，不滿違泊令交通擠塞，亦擔心會造成危險，「有時啲行人心急唔跟燈行，但啲車泊晒喺交通燈前阻住視線，真係好牙煙！」
市民倡提高罰則
警方發言人表示，一直關注上址交通問題，不時會派員巡查有關地點，過去一年於上址共發出逾二百四十張定額罰款告票，接獲本報轉介後亦曾加強巡查，於四日內向違例車輛發出十二張定額罰款告票。
呂先生坦言不滿警方未有積極執法，以致情況至今仍無改善，要求警方多加巡查及提高罰則以阻嚇違規司機。「每日都唔止一部車違泊，但一日都開唔夠一張告票，咁樣點做到嘢？」