房署拆天眼高兇擲物傷民

「明知呢度係黑點，點解仲要拆走個天眼？本來都有啲阻嚇作用，拆走咗啲人就變本加厲，啱啱就有人畀衫架掟親流晒血！」家住健明邨健華樓的何小姐指邨內高空擲物近年愈見嚴重，健華樓與健暉樓正門更為擲物黑點，曾見有啞鈴、花瓶甚至超市手推車等雜物被擲下，令居民惶惶不可終日。

面對高空擲物情況持續發生，何小姐日前竟發現原設於健華樓的監察系統（俗稱天眼）被移走，令擲物狂徒更有恃無恐，五月中便有居民被雜物擊中受傷。何不滿房署罔顧居民安全，「明知好多條邨都有呢類問題，點解唔加資源買多啲天眼？成日話啲天眼係好多條邨輪住用，陣間就拆咗佢，係咪要有人畀嘢掟死先安樂？」

健明邨高空擲物問題嚴重，更曾有人投擲啞鈴。（讀者提供）	本月十一日健華樓有市民被墮下衣架擊傷，當時「天眼」已拆走未能拍下情況。	曾有人高空投擲超市手推車等雜物。

稱輪流使用 補鑊重裝

健明邨物業服務辦事處發言人證實，該邨過去兩年平均每年接獲二十一宗高空擲物投訴，住戶因觸犯「屋邨管理扣分制」中「高空擲物」一項而被扣分的個案則有四宗。發言人承認，現時所有監察高空擲物系統均按需被安排輪流服務不同屋邨，故位於健華樓的便攜式監察高空擲物系統於半年前被轉往其他屋邨，現時已安排重置。

記者及後再到健華樓視察，發現有承辦商正重新安裝「天眼」。

梁里

記者事後再到場了解，發現房署正派人重新安裝「天眼」，高空擲物黑點附近亦設警告字句，勸喻居民遠離。

「如果唔係發生咗意外驚動到傳媒，房署根本已經放軟手腳，唔單止冇做宣傳，連天眼都拆埋，所謂特別任務隊就淨係好似保安咁走嚟走去，根本做唔到嘢！」當區區議員梁里狠批房署嚴重失職，即使面對嚴峻高空擲物問題，亦以僵化及被動態度處理，做法極不可取，要求從速增撥資源根治情況，還居民安全居住環境。

夜錄功能亦有待改進

西貢區議會房屋及環境衞生委員會委員陳繼偉亦稱，過去曾有街坊反映房署裝設之「天眼」夜錄功能欠佳，「試過中秋夜晚有嘢掟落嚟，但睇番個天眼就乜都睇唔到，個個居民都話個天眼係夜盲o架！」陳繼偉又不滿「天眼」常被轉移至不同屋邨，難起阻嚇作用，要求房署改善現有情況，並加強執行「扣分制」，嚴厲懲處違規居民。

記者：蘇敏婷、呂諾君